انا ولده ابني متوفي من 45يوم

وإن طفل تاني ممكن يمسح وجع فقدان الأول؟!كنت لسه هرجع أوضتي، لكن فجأة سمعت أخوه بيقوله: — طب ما تقولها الحقيقة يا أحمد، بدل ما تفضل فاكرة إنك مش حاسس بيها! سكت أحمد، وبعدها رد عليه بصوت واطي: — إنت اتجننت؟

! إياك تفتح الموضوع ده دلوقتي!قلبي بدأ يدق بسرعة، وحسيت إن فيه حاجة أنا معرفهاش، حاجة أكبر من موضوع السبوع، وأكبر من معاملته الباردة ليا. وقبل ما أقدر أستوعب، سمعت أخوه بيقوله:— إنت فاكر إنك لما تخبي عنها اللي حصل يوم وفــ,,ـــــاه ابنها، هتفضل مخبي الحقيقة طول العمر؟

!وقتها رجلي ما شالتنيش، وسندت على الحيطة وأنا بحاول أفهم هما بيتكلموا عن إيه. إيه الحقيقة اللي جوزي مخبيها عني يوم وفــ,,ـــــاه ابني؟ وهل فعلًا كان كل اللي شاغله إني أحمل تاني، ولا فيه سر هو خايف أعرفه؟

عيني ما بقتش شايلاني، والكلمات فضلت ترن في وداني زي جرس إنذار مرعب: «إنت فاكر إنك لما تخبي عنها اللي حصل يوم وفــ,,ـــــاه ابنها، هتفضل مخبي الحقيقة طول العمر؟!»حسيت إن الدنيا بتلف بيا، وإن الأوضة ضيقة ومش قادرة أتنفس.

يعني إيه مخبي عني الحقيقة؟ إيه اللي حصل بجد يوم وفــ,,ـــــاه ابني؟ مش هو قال لي إنه كان نايم وصحي على صراخي؟ مش هو قال لي إن الدكتور قال إن دي “مــ,,ـــــوتة مهاد” أو توقف مفاجئ للقلب؟

فضلت لازقة في الحيطة، حاطة إيدي على بوقي عشان ما أطلعش صوت، وبسمع وداني متبجّة على صوت أحمد وهو بيرد على أخوه بنبرة فيها عصبية وخوف أول مرة أسمعهم:— وطي صوتك يا حمار! إنت عايز تخرب بيتي؟

البنت لسه خارجة من مصيبة ومكسورة، لو عرفت اللي حصل ساعتها، مش هتطقعد معايا دقيقة واحدة، وهتشيل شنطتها وتمشي، وأنا مش ناقص فضايح ومشاكل مع أهلها!أخوه رد عليه بصوت اهتز له قلبي: — طب واللي بتعمله فيها ده والدبش اللي بتقوله مش هيخرب بيتك؟

ما هي عمالة تمــ,,ـــــوت بالبطيء عشان حاسة إنك بعيد ومش حاسس بيها، ولما تفكر تخلف تاني عشان تنسى، هي واخدة الموضوع على إنه استغلال! الحق نفسك يا أحمد وقولها، العواقب لو اتكشفت لوحدها هتكون أسوأ بكتير.

أحمد زعّق بصوت واطي ومخنوق: — اقفل اقفل، أنا مش فايقلك، وغطي على الزفت ده لحد ما نشوف آخرتها!قفل المكالمة، وأنا حسيت إن روحي طلعت من جسمي. رجلي وقعت بيا على الأرض وقعدت أعيط بصمت من غير ما أقدر أطلع صوت واحد.