انا بشتغل دكتور نسا وتوليد
انا بشتغل دكتوره نسا وتوليد وكان فى حامل بتيجى تتابع معايا كل اسبوعين رغم انى بقولها انى حالتها كويسه وتيجى كل شهر إلا انها بتصر انها تيجى كل اسبوعين وكل مره تيجى فيها تفضل تحكيلى أد إيه جوزها بيدللها وبيحبها وهو اللى بيطلب منها تيجى تطمن على الجنين كل اسبوع عشان يتأكد انها والجنين بالخير
لما سالتها طيب ليه مش بيجيى معاكى قاتلى إنه بيتحرج يجيى عشان العياده كلها حريم لكن هو بيكون مستنيها تحت
لما كان يجبلها هديه كان لازم تورهانى عشان تعرفنى أد ايه بيحبها ويراعيها لدرجه انى اتعودت اسمع منها مغامراتها مع جوزها فسحها فين راحوا فين وجم منين كانت بتورينى صور الاماكن اللى بيروحوها
فضلت تتابع معايا لاخر يوم فى حملها واحنا بنحدد هتولد فى مستشفى ايه اتفاجئت بيها بتطلب منى اولدها فى مستشفى غير اللى انا بولد فيهم
سالتها عن السبب وخصوصاً إن المستشفيات اللى بولد فيها ممتازه لكن اللى هى بتقولى عليها اسعارها غاليه زياده عن اللزوم
لكن انا رضخت لطلبها ووافقت فى الاخر هى اللى هتدفع مش انا يوم الولاده سبقتها ودخلت غرفه العمليات أتأكد من التجهيزات
وبعدها الممرضين جهزوزها ودخلتلى خلصت من الولادة وخرجت من غرفة العمليات وأنا شايله البيبى وعندى فضول أشوف جوزها اتفاجئت بجوزى قدامى جريت عليه وانا شايله المولود الجديد وبوريهوله
ـ بص يا رأفت البنت حلوه ازاى لسه مولوده حالا
وقف رأفت ساكت ووشه شاحب شحوب الاموات
رحت بصتله باستغراب وقولتله
ـ صحيح يا رأفت انت عرفت مكانى هنا منين ؟؟؟
سكت رأفت ومش عارف يرد يقول ايه مافيش ثوانى لقيت ست كبيره قربت منى انا ورافت وهى بتزغرد وبتقوله مبروك عليك يا ابو رشا
ابو رشا ربطت الاحداث ببعض الحامل وجوزى اللى مجاش ولا مره يتابع معاها الحمل ومافيش صوره ليه انا شوفتها معاها وطلبها انى اولدها والحاها انها تحكيلى علاقتها بجوزها
بس هي ياترى جوزى كان عارف انى أنا اللى متابعه حملها ؟؟
وقف الدم في عروقي، واللحظة اتجمدت بشكل يرعب. رأفت كان بيبصلي بعيون مرعوبة، مش قادر يرمش ولا ينطق بكلمة، والست الكبيرة نازلة زغاريد وفرحانة، بتمسح على ظهر رأفت وبتقوله: “تربى في عزك يا بني، عقبال ما تحضن عوضك بالولد المرة الجاية!”
البيبي في حضني كان بيعيط، وأنا إيدي كانت بكي تعرق وترتعش، حسيت كأن السقف بيقع عليا. بصيت لـ رأفت ونظرتي كانت كفيلة تخشبه مكانة.. سألته بصوت هادي وميت، عكس البكان الشغال جوايا:
